Ynglŷn â’r Awdurdod Safonau Hysbysebu a sut i gwyno

ASH yw’r rheolydd annibynnol sy’n gyfrifol am wneud yn siŵr bod hysbysebion yn y DU yn gyfreithiol, gweddus, gonest a gwir.

Ymatebwn i gwynion ynglŷn â hysbysebion a’i beirniadu yn erbyn y Codau Hysbysebu - y rheolau mae’n rhaid i bob hysbyseb lynu wrthynt. Gweithredwn yn gyflym ac effeithiol i dynnu’n ôl hysbysebion yr ystyriwn yn gamarweiniol, niweidiol neu sarhaus a’u rhwystro rhag ymddangos eto.

Gall un cwyn i’r ASH arwain at dynnu’n ôl hysbyseb.

Mae’r Codau Hysbysebu yn berthnasol i hysbysebion lle bynnag maent yn ymddangos, gan gynnwys mewn:

• Newyddiaduron, cylchgronau
• Posteri
• Taflenni, pamffledi a chylchlythyrau
• Post uniongyrchol
• Negeseuon testun (gan gynnwys MMS, SMS a bluetooth)
• Teledu a radio
• Y rhyngrwyd (baneri, hysbysebion naid, feirysau, chwiliad noddedig, cyfathrebiad i farchnata ar wefanau'r cwmniau eu hunain a mannau eraill sydd dan eu rheolaeth e.e. Facebook a Twitter)
• Sinema

Gwneud cwyn i’r ASH

Mae cwyno i’r ASH yn gyflym, rhad ac am ddim, a hawdd.
Gallwn edrych mewn i’ch cwyn os:

• y credwch fod hysbyseb yn gamarweiniol, niweidiol neu sarhaus;
• rydych yn cael trafferth i dderbyn nwyddau neu ad-daliad am eitemau a brynwyd drwy archebu drwy’r post neu drwy sianeli siopa teledu;
• rydych yn derbyn post nad ydych ei eisiau oddi wrth gwmnïau un ai drwy’r post, e-bost, neges testun neu ffacs, ac
• mae eich data personol yn cael ei ddefnyddio heb eich caniatâd.

Gallwch gwyno un ai ar-lein, ar y teleffon, drwy ffacs neu lythyr. Y ffordd gyflymaf yw drwy lenwi ein ffurflen cwynion ar-lein. Yn Saesneg yn unig mae’n ffurflen cwynion ar-lein ar gael, ond os ydych chi eisiau cwyno drwy gyfrwng y Gymraeg ysgrifennwch atom neu e-bostiwch ni os gwelwch yn dda.

Unwaith ein bod wedi derbyn eich cwyn byddwn yn asesu a oes rhesymau dros ymchwilio. Fe’ch hysbyswn o’r camau y penderfynwn eu cymryd.
Os ydych yn aelod o’r cyhoedd, ni ddatgelir eich enw.

Eisiau gwybod mwy amdanom?

Gellir cael gwybodaeth lawn ar ein rôl, cylch gwaith, dyfarniadau a gweithgareddau eraill ar ein gwefan.

Neu gallwch gysylltu gyda ni ar y teleffon, ffacs, post neu ar-lein.

Advertising Standards Authority
Mid City Place
71 High Holborn
Llundain
WC1V 6QT

Ar-lein www.asa.org.uk
Teleffon 020 7492 2222
Ffacs 020 7242 3696
Ffon testun 020 7242 8159
E-bost enquiries@asa.org.uk